Tuesday, March 19, 2013

လက်ပံတောင်းတောင်ဒေသခံများ၊ တုံရွာသပိတ်စခန်းတွင် ဦးဆောင်နေသောသံဃာတော်များနှင့် ဒေါ်အောင်ဆန်းစုကြည် ဆွေးနွေး(အပိုင်း-၂) Posted: 18 Mar 2013 01:42 AM PDT

သမီးတို့က နမှုနာကြည့်မှာပါ။

သူများကို နမှုနာကြည့်ဖို့မလိုဘူး။ ကိုယ့်နမှုနာကိုယ် ကြည့်။ သူတိုကို အရင်လုပ်ပေးရမှာ မဟုတ်ဘူး။ အားလုံးကို တစ်ပြိုင်နက်ပြုလုပ်ပေးရမှာပါ။ သူတို့ကို နမှု နာကြည့်နေလို့မဖြစ်ဘူး။ ခက်တာက နားမထောင် ဘူး။ ဇွတ်ပြောနေတယ်။

သမီးတို့က စာမဖတ်တတ်တော့ ဖတ်မကြည့်ဘူး။

စာမတတ်ရင် ဘွဲ့ရကို ဖတ်ခိုင်းလို့ရတယ်။ ဘာလို့ မဖတ်ခိုင်းတာလဲ၊ ဘာလို့မရှင်းပြလဲ။

အခုသမီးတို့ဒေသမှာ အသားအရေက ဒီလိုအသားအရည် (အဖြူ)မျိုးမရှိတော့ဘူး။ မဲညစ်ညစ်တွေဖြစ်ပြီးတော့ လူတွေကအသားမဲခြောက်ပြီး ဆိုးကျိုးတွေခံစားရတယ်။ အဲဒီအန္တရာယ်ကို ကျွန်မတို့ ဒေသခံတွေ ခံစားနေရ တယ်။

ဒါပတ်ဝန်းကျင် ထိန်းသိမ်းရေးနဲ့ ပတ်သက်တယ်။ သမီးတို့အစီရင်ခံစာကိုမဖတ်ဘဲဆက်

ပြောနေရင် အဓိပ္ပာယ်မရှိဘူး။ ဒါပတ်ဝန်းကျင်ထိန်းသိမ်းရေးနဲ့ဆိုင်တယ်။ အမေက Popular ဖြစ်ချင်လို့ နိုင်ငံရေးလုပ်နေတာ မဟုတ်ဘူး။ လုပ်သင့်လုပ်ထိုက်တာကိုလုပ်တာပါ။ နိုင်ငံရဲ့အနာဂတ်နဲ့ သင့်တော်တဲ့ကိစ္စကိုလုပ်တာပါ။ ဒါကို မကျေနပ်လို့ မုန်းရင် အမေကိုမုန်းလို့ရတယ်။

မမုန်းပါဘူး၊ နဂိုကတည်းကချစ်နေတာပါ။

အစီရင်ခံစာကို သေချာဖတ်ပါ။ စာမတတ်ရင် ကိုယ့်သားသမီးတွေကို စာတတ်အောင် ဘယ်သူက လုပ် ပေးမှာလဲ။

ကျွန်မတို့ အရင်အတွေးက ဒီလိုပါ။ ဦးပိုင်တို့၊ျွှညေဘသေ တို့ဆိုတာ သားစဉ်မြေးဆက်၊ ခေတ်အဆက်ဆက် ချမ်း သာကြွယ်ဝလာတဲ့သူတွေပေါ့။ ကျွန်မတို့ ဒေသခံတွေကတော့ လူမွဲလူတန်းစားတွေဆိုတော့ လယ်ယာ မြေကို မှီခိုပြီး လုပ်ကိုင်စားသောက်ရတဲ့ဘဝပါ။ သူတို့ Wanbao နဲ့ဦးပိုင်က တောင်ကြီးကိုမလုပ်ဘဲ စွန့်ပစ်လိုက်ရင် သင်္ဘောတစ်စီး၊ နှစ်စီးစာလောက်ပဲရှိတယ်။ ကျွန်မတို့ ဒေသခံတွေက သူတောင်းစားခွက် ပျောက်သလိုဖြစ်နေတယ်။

ဒီကိစ္စကို ဘယ်နှစ်ခါထပ်ပြောရမလဲ။ ဒီလိုမမွဲ အောင်လို့၊ မွဲသထက်မွဲတဲ့ဘဝမရောက်ရှိသွားအောင်၊ သားစဉ်မြေးဆက် ဘဝအာမခံချက်ရှိသွားအောင်လုပ်ပေး သွားမယ်လို့ ပြောပြီးပြီ။ လက်ပံတောင်းတောင်တော့ အမေမပြောနိုင်ဘူး။ လက်ပံတောင်းတောင်ကြီးကို တည်ရှိရေးဟာ အမေ့အတွက် ပြည်သူတွေရဲ့ အနာဂတ် ခိုင်မာရေးလောက် အရေးမကြီးဘူး။ အရေးကြီးတာက အနာဂတ်ခိုင်မာရေးပဲ။ အခု ကလေးတွေက ပညာတတ်ရမယ်။ သူတို့မိဘတွေထက် အဆင့်မြင့်သွားရမယ်။ မိဘတွေကတောင်ယာလုပ်စားလို့ သားသမီး တွေက၊ ကလေးတွေက တောာင်ယာလုပ်စားရမယ်လို့မဟုတ်ဘူး။ ဆရာဝန်ဖြစ်ချင်တဲ့သူက ဆရာဝန်ဖြစ် သွားတဲ့ အနေအထားကို ရောက်သွားမယ်။ တောင်ယာပဲ လုပ်စားချင်တဲ့သူကတော့ သူတို့သဘောပဲပေါ့။ ကျွန်မတို့က တောင်ယာ တွေပဲ လုပ်စားချင်တယ်လို့ပြောတယ်။ တကယ်ပဲ လုပ်စားချင်ပါ့မလား။

သမီးတို့ အရပ်ပြောနဲ့ပြောရင် တောင်ယာ လုပ်စားချင် တယ်ဆိုတာလဲ သမီးက ဘွဲ့ရပြီးပြီ အလုပ်ကမရဘူး။ အဲဒါလဲရှိသေးတယ်။

အဲတော့၊ သမီးကနားမှမထောင်ဘဲ။ အလုပ်အကိုင် ဖန်တီးရပါတယ်ဆိုတာကို နားမထောင်ဘူး။ အလုပ် အကိုင်ဖန်တီးရေးက တစ်ခြားအလုပ်အကိုင်နဲ့ အစားထိုးလို့မရဘူးလား။ တောင်ယာမလုပ်ချင်ရင် တခြားအလုပ် လုပ်လို့ရတယ်။ တော်တော်များများက တောင်ယာကိုပဲ ဆက်လုပ်ချင်လို့လား။

မြေယာဆိုိတာ ကိုယ့်မှာရှိရင် ပညာ တတ်တတ် မတတ် တတ် လုပ်စားလို့ရတယ်။

သားသမီးတွေက တောင်ယာပဲလုပ်ချင်လို့လား။ ဒါကို စဉ်းစားရမယ်။ မိဘတွေက ဘွဲ့ရပညာတတ်ဖြစ် အောင် လုပ်ပေးရမှာပါ။ မနက်ဖြန်၊ သန်ဘက်ခါ ဒေသ ခံတွေရဲ့ လိုအပ်ချက်ကိုစိစစ်ပြီး အကောင်အထည်ဖော် မှာ။ အဲဒီအခါကျရင် သမီးတို့လိုအပ်ချက်ကို ပြောကြ ပါ။ စာနဲ့ရေးပြီးတင်ကြပါ။

အစိုးရက ပြောတာတခြား၊ လုပ်တာတစ်ခြားဆိုတော့ သမီးတို့ကတော့ မယုံရဲဘူး။

အစိုးရက ကတိကဝတ်အတိုင်း မလုပ်လို့ရှိရင် အ မေ ဒီကိစ္စကို တာဝန်ယူတယ်။ အမေ့ကိုမယုံရင်တော့ အမေ မတတ်နိုင်ဘူး။ ယုံပါလို့လည်း မပြောချင်ဘူး။

မယုံဘူး။ အစိုးရကိုယ်လည်း မယုံဘူး။ ကုမ္ပဏီကိုလည်း မယုံဘူး။

မယုံလို့ရှိရင် မတတ်နိုင်ဘူး။ ဒါပေမဲ့ အမေကတော့ အမှန်အတိုင်းပဲပြောမယ်။ မယုံလို့ရှိရင် မယုံတဲ့ အတိုင်းနေသွား။ ဒီလုပ်ငန်းကို ဆက်ပြီးတော့ လုပ်ဖို့ အမေကအကြံပြုတာ။ ဒီတောင်ကို ဖြိုမှာတော့ အမေ မဟုတ်ဘူး။

အဲဒါဆို ဒီမြေစာတွေလည်း ဒီယာတွေအပေါ် အကုန်ပုံမှာ ပဲပေါ့။

အကုန်ပုံမှာ မဟုတ်ဘူး။ သူ့ရဲ့ ပုံသင့်တဲ့နေရာမှာ ပုံမယ်။ နောက်ပြီးတော့ ပတ်ဝန်းကျင် ပြန်လည်စိမ်း လန်း စိုပြေရေးအတွက် လုပ်သွားမယ်။ ဒီစီမံကိန်းတွေကတော့ အကောင်အထည်ဖော်သွားမှာပဲ။

ဒီစီမံကိန်းပြီးရင် ပြီးပြီးရော သူတို့လုပ်သွားကြမှာလား။

ဘယ်ဟုတ်မလဲ။ မဖြစ်ခင်တော့ ဒီလို ဆုံးဖြတ်လို့ မရဘူး။ အဲဒီတော့ ကြည့်ပြီးတော့မှ ဆုံးဖြတ်ပါ။ မကြည့်ဘဲနဲ့ ဆုံးဖြတ်ချက်မချပါနဲ့။ ဒါကတော့ စောင့်ကြည့်သွားရမှာပါ။

အစိုးရက ပြောတာတခြား၊ လုပ်တာတခြား၊ အမိန့်ထုတ် တော့လည်းတစ်ခြား၊ သူတို့ပဲ သူတို့ဥပဒေသူတို့ ချိုး ဖောက်တာ။

အဲဒါကို စောင့်ကြည့်ရမှာပေါ့။ ဥပဒေချိုးဖောက် လားဆိုတာကို။

သမီးတို့တောသူတွေက အတော့အတယ်၊ ရိုးတော့ ရိုးတယ်၊ မလည်တာသာ ဖြစ်ရင်ဖြစ်မယ်။ သိပြီးသား တွေ၊ အကုန်သိတယ်။

သမီးဘာမှ ပြောင်းလဲမှု မရှိဘူးဆိုရင် လူတွေ အားလုံး ဘာလို့ကြိုးစားနေကြလဲ။

ကြိုးစားတာပေါ့၊ လက်ပံတောင်းတောင်ကြီးကို မဖြိုခွဲဖို့ အရေးကို။

အဲဒါကို ပြောနေတာမဟုတ်ဘူး။ လူတွေက ဘာမှ မပြောင်းလဲနိုင်ရင် ဘာလို့ ဘဝမှာ ရုန်းကန်နေကြ လဲ။

ပြောင်းလဲတာက လူထုရဲ့ ဆင်းရဲဒုက္ခပြောင်းလဲတာ မဟုတ်ဘူး။ မြန်မာပြည်မှာရှိတဲ့ တောင်တန်းတွေနဲ့ လယ် ယာမြေတွေ သိမ်းတာတွေ ပြောင်းလဲနေတာ။ ဒေသခံ တွေကတော့ မပြောင်းလဲဘူး။ ဒီဆန်ပြုတ်ပဲသောက်ရမှာ ပဲ။ အဲဒါကြီး ဖြိုလိုက်ရင် ဆန်ပြုတ်မပြောနဲ့ ရေတောင် သောက်ရမှာ မဟုတ်ဘူး။

အဲဒါတော့ စောင့်ကြည့်ရမှာပေါ့။ ဒါတော့ အမေလည်း မငြင်းချင်ဘူး။ မယုံမှတော့ ငြင်းနေလို့လည်း ဘာမှမထူးဘူး။ ဘာဖြစ်မလဲဆိုတာကို အဖြစ်ကိုကြည့် ပြီးမှ ဆုံးဖြတ်ရမှာပဲ။ မယုံပါဘူးဆိုတာကိုတော့ ယုံပါလို့ အမေမပြောနိုင်ဘူး။

ကျွန်မတို့ ဒေသခံတွေကတော့ ဒီတောင်ကြီးကို မဖြိုဖို့ တောင်းဆိုချင်ပါတယ်။

ဟုတ်ကဲ့၊ တောင်းဆိုပါ။ ဆက်ပြီးတော့တောင်းဆို ပါ။ ဆက်ပြီး တောင်းဆိုခွင့်ရှိတယ်။ ဒါပေမဲ့ အမေက တော့ မှန်တယ်ထင်တဲ့အတိုင်းပဲ လုပ်သွားတော့မယ်။ မှန်တယ်ထင်တဲ့အတိုင်းပဲ ဆက်လုပ်မှာပဲ။

အမေစုကို ချစ်လို့ ခွပ်ဒေါင်းအလံကို ဘုရားစင်ပေါ် တင်ထားတယ်။ အမေစုပုံကြီးတွေကိုချဲ့ပြီး နံရံမှာ ချိတ် ထားတယ်။ အမေစုကတော့ သမီးတို့ကို မချစ်တာပါ။ ဒေသခံတွေက ချစ်တာကို အမေစုကအချစ်မခံတာ။

အဲဒါ ချစ်တာမဟုတ်ဘူး။ သမီးသာ အမေ့ကိုချစ်တယ်ဆိုရင် ဒီလိုစကားတွေပြောနေမှာမဟုတ်ဘူး။ အချစ် ခံတယ်ဆိုတာ အလိုလိုက်တာမဟုတ်ဘူး။ သမီး ပြောချင်တာက ကိုယ်လုပ်ချင်တာလုပ်ပေးမှ ချစ်တယ် လို့ ပြောချင်တာ။ ချစ်တယ်ဆိုတာ ကိုယ်လုပ်ချင်တာလုပ် လည်း ချစ်ရမှာပဲ။ လုပ်ချင်တာမလုပ်လည်း ချစ်ရ မှာပဲ။ တကယ် ချစ်တယ်ဆိုတာ အဲလိုရွေးတာမဟုတ်ဘူး။ အမေနားလည်တယ်။

သမီးတို့ ချစ်မြတ်နိုးတဲ့ လက်ပံတောင်းတောင်ကိုတော့ လုံးဝအဖျက်မခံနိုင်ဘူး။

ရတယ်။ လက်ပံတောင်းတောင်ကိုချစ်ရင်လည်း ချစ်ပါ။ အမေ့ကို မချစ်ဘူးဆိုလည်းရတယ်။

အမေ့ကိုချစ်တယ်။ အမေကအချစ်မခံတာ။

အချစ်မခံတာမဟုတ်ဘူး။ သမီးက အချစ်ဆိုတဲ့ အဓိပ္ပါယ်ကို ကောင်းကောင်းနားမလည်ဘူး။

အမေ့ကိုမချစ်တာ မဟုတ်ဘူး။ အမေ့ကို ဘုရားနဲ့ တစ် ဂိုဏ်းထဲတောင် ထားခဲ့တာ အမေ။

အဲလိုဆိုရင်၊ အမေ့ကို ချစ်မြတ်နိုးတယ်ဆိုရင် ဘာဖြစ်လို့ ဒီစကားတွေ အမေ့ကို ပြောနေလဲ။

ဒီတောင်ကြီးကို မဖြိုချင်လို့။

အဲဒီတော့ ဒီတောင်ကြီးကို ပိုချစ်လို့ပဲ။ အဲဒါကိုပဲ ချစ်တော့။

by Messenger News Journal

0 comments:

Post a Comment

LinkWithin

Related Posts Plugin for WordPress, Blogger...