လက်ပံတောင်း အစီရင်ခံစာက ပြောသောစကား

Posted: 16 Mar 2013 04:52 AM PDT
မြန်မာ့ခေတ်သစ် သမိုင်းတွင် မှတ်တိုင်ဖြစ်သော လက်ပံတောင်းတောင် အစီရင်ခံစာတွင် မြင်မိသော အချက်အလက်အချို့ကို ဆွဲထုတ် ကြည့်မိသည်။

စာချုပ်ပြန်ပြင်ချုပ်


စီမံကိန်းကိုရပ်၊ ယခုပုံစံအတိုင်း ဆက်လုပ်နှင့် ပုံစံပြောင်း လုပ်ဟု ရွေးချယ်စရာ နည်းလမ်းသုံးလမ်း ရှိသည့်အနက် တတိယ နည်းလမ်းကို ရွေးချယ်လိုက်သည်။ စီမံကိန်းသည် စီးပွားရေးအရ တွက်ခြေကိုက်သည်။ သို့သော် သဘာဝပတ်ဝန်းကျင်၊ လူမှုရေး စသည်တို့ကို တွက်ချက်မှု အားနည်းသည်။ တိုတိုပြောရလျှင် စာချုပ်ကို စိတ်ကြိုက်ပြန်ပြင်ချုပ်။

စည်းမျဉ်းစည်းကမ်း ဘောင်သွင်းခြင်း

မြန်မာနိုင်ငံသည် သဘာဝသယံဇာတ ကြွယ်ဝသော နိုင်ငံဖြစ်သလို အခြားသောစီးပွားရေး ကဏ္ဍများ မဖွံ့ဖြိုးသေးသည့် အဆင်းရဲဆုံး တစ်နိုင်ငံဖြစ်သည်။ ထို့ကြောင့် သဘာဝအရင်းအမြစ်ကို အခြေခံ စီးပွား ရှာကြလိမ့်ဦးမည်။ ထိုသို့လုပ်ငန်းများ ဆောင်ရွက်ရာတွင် စနစ်တကျ မဆောင်ရွက်နိုင်လျှင် အငြင်းအခုံများ ပေါ်ပေါက်လာ နိုင်သည်။ ထိုအငြင်းအခုံများကို ဖြစ်သောအခါမှ တစ်ခုချင်းစီ ကော်မရှင်ဖွဲ့နေလျှင် အချိန်ကုန် လူပန်းလှသည်။ ထို့ကြောင့် စည်းမျဉ်း စည်းကမ်း ဘောင်သွင်းခြင်း Institutionalization လုပ်ထားနိုင်မှ အရင်းအမြစ်ပဋိပက္ခကို မရှောင်ရှားနိုင် သည့်တိုင် စနစ်တကျ ဖြေလျှော့နိုင်သည်။ ယခုအစီရင်ခံစာ၏ စဉ်းစားပုံမျိုးကို Institutionalization ပြုလုပ်လိုက်လျှင် သဘာဝရင်းမြစ်နှင့် ပတ်သက်သည်များ၊ စီမံကိန်း များကို စဉ်းစားရာတွင် ယခင်ထက် ပိုမိုလွယ်ကူ မြန်ဆန်သွားမည်။
နိုင်ငံခြားရင်းနှီးမြုပ်နှံမှု


မြန်မာနိုင်ငံ ဖွံ့ဖြိုးအောင်လုပ်ရန် ပြည်တွင်းအားနှင့် မဖြစ်နိုင်ကြောင်း အားလုံးသိပြီး ဖြစ်သဖြင့် နိုင်ငံခြားရင်းနှီးမြှုပ်နှံမှု များကို ဖိတ်ခေါ်နေရသည်။ နိုင်ငံခြား ရင်းနှီးမြုပ်နှံသူများသည် ညွန်ထဲသို့ မဆင်းမီ ခြေတစ်လှမ်း အရင်ဆင်းရသည် ဆိုသည့်အတိုင်း မြန်မာနိုင်ငံတွင်း ခြေစုံပစ်မဝင်မီ လေ့လာ အကဲခတ်နေကြဆဲ။ အထူးသဖြင့် ပြည်သူပိုင်သိမ်းသည့် ဓလေ့ရှိခဲ့သည့်၊ ဆုံးဖြတ်ချက်များကို ဘွာခတ် လေ့ရှိသည့် နိုင်ငံတွင် ယင်းတို့၏ လုပ်ငန်းများကို လာရောက်တိုးချဲ့ သင့် မသင့် စဉ်းစားရာတွင် စီးပွားရေးအကျိုးအမြတ် ရှိ မရှိ (Profit) ရော၊ နိုင်ငံရေးအရ ရပ်သွားနိုင်ခြင်းရှိ မရှိ (Political Risk) ကိုပါ အလေးပေး စဉ်းစားနေကြသည်။ လက်ပံတောင်းတောင် ကိစ္စကို နိုင်ငံခြား ရင်းနှီးမြှုပ်နှံသူများ မျက်စိဒေါက်ထောက် ကြည့်နေကြချိန်တွင် အစီရင်ခံစာက “ဆိုခဲစေ၊ မြဲစေ” ဟု သက်သေပြလိုက်သည်။

ကြိုတင်စည်းမျဉ်း


နိုင်ငံခြား ရင်းနှီးမြုပ်နှံမှုများ စိတ်ချလက်ချလာပါဟု အစီရင်ခံစာက အချက်ပြလိုက်သော်လည်း မြန်မာနိုင်ငံသည် ဖွံ့ဖြိုးဆဲနိုင်ငံ ဖြစ်သောကြောင့် မသိနားမလည်ဘဲ လာသမျှခွင့်ပြု၊ သဘာဝ ပတ်ဝန်းကျင် အထိခိုက်ခံမည်၊ လူမှုပတ်ဝန်းကျင် အထိခိုက်ခံမည် မဟုတ် (အရပ်စကားဖြင့် အချဉ်မဟုတ်) ဟု ကြေညာလိုက်ရာ ရောက်သည်။ ဝင်လာသမျှသော နိုင်ငံခြားရင်းနှီးမြှုပ်နှံမှု တို့သည် Environmental Impact Assessment (သဘာဝပတ်ဝန်းကျင် ထိခိုက်နိုင်ခြေ လေ့လာဆန်းစစ်ချက်)၊ Social Impact Assessment (လူမှုရေး ထိခိုက်နိုင်ခြေ လေ့လာဆန်းစစ်ချက်)၊ Corporate Social Responsibility (စီးပွားရေးလုပ်ငန်းများ၏ လူမှုရေး တာဝန်ရှိမှု) စသည်တို့အတိုင်း ဆောင်ရွက်နိုင်ရမည်။

အသွင်ကူးပြောင်း


ဒေါ်အောင်ဆန်းစုကြည်အား ဆန့်ကျင်ဆန္ဒပြသည်မှာ ပထမဆုံး အကြိမ်ဟုဆိုကြသည့် ဆန္ဒပြပွဲကြောင့် လူအများ အံ့အားသင့်ခဲ့ကြပြီး ယူကျုံးမရ ဖြစ်သူများလည်း အများအပြားရှိသည်။ အမှန်မှာ မည်မျှ ထင်ရှားကျော်ကြား လူချစ်လူခင် များသောသူဖြစ်စေ မူဝါဒချမှတ်သူ နေရာသို့ ရောက်လာပါက အားလုံး၏ အချစ်ခံရသောသူ မည်သို့မျှ မဖြစ်နိုင်။ အဘယ်ကြောင့်ဆိုသော် သူချမှတ်သော မူဝါဒသည် အကောင်းဆုံးမူဝါဒ ဖြစ်ပါစေဦး မကျေနပ်သူများ ရှိစမြဲ။ ဒေါ်အောင်ဆန်းစုကြည် သည်လည်း သာမန်လူသားသာဖြစ်ရာ လွှတ်တော်တွင်း ဝင်ပြီး မူဝါဒချမှတ်သူ အဖြစ်သို့ ကူးပြောင်းသည်နှင့် တစ်ကွေ့မဟုတ် တစ်ကွေ့တွင် သူ့အား ပေါ်ပေါ်ထင်ထင် ဆန့်ကျင် မှုများ တွေ့ရမည်မှာ မလွဲဧကန်။ ထိုတစ်ကွေ့သည် လက်ပံတောင်း တောင် အစီရင်ခံစာ ဖြစ်လာခဲ့ခြင်းသာ။

မည်မျှ ထင်ရှားကျော်ကြား လူချစ်လူခင် များသောသူဖြစ်စေ မူဝါဒချမှတ်သူ နေရာသို့ ရောက်လာပါက အားလုံး၏ အချစ်ခံရသောသူ မည်သို့မျှ မဖြစ်နိုင် ...

‘If you cannot stand the heat, don’t go into the kitchen’ “မီးပူမခံချင်ရင် မီးဖိုဆောင်ထဲ မသွားနဲ့” ဟူသော စကားတစ်ရပ် ရှိသည်။ နိုင်ငံ့အရေး လုပ်မှတော့ လူမုန်းခံရ အတိုက်ခိုက် ခံရမှာပဲဟု ဆိုလိုရင်း ဖြစ်သည်။

ဒေါ်အောင်ဆန်းစုကြည်၏ လက်ပံတောင်းတောင် ခရီးစဉ်တွင်း ဓာတ်ပုံများကို မြင်ရသည်မှာ အထက်ပါ သဘောတရားကို ကောင်းစွာ နှလုံးသွင်းထားပုံရပြီး မိမိကို ခါးခါးသီးသီး ဆန္ဒပြသူများကို တည်တည်ငြိမ်ငြိမ် ရင်ဆိုင်ခဲ့သည်။

တိုင်းပြုပြည်ပြုပုဂ္ဂိုလ်နှင့် နိုင်ငံရေးသမား


‘A politician thinks of the next election. A statesman thinks of the next generation’

“နိုင်ငံရေးသမားသည် လာမည့်ရွေးကောက်ပွဲကို စဉ်းစားသည်။ တိုင်းပြုပြည်ပြု ပုဂ္ဂိုလ်သည် လာမည့်မျိုးဆက်ကို စဉ်းစားသည်။” ဟူသော နာမည်ကျော် စကားတစ်ခွန်းရှိသည်။ နိုင်ငံရေးသမားသည် လာမည့်ရွေးကောက်ပွဲတွင် အနိုင်ရရေးအတွက် မဲပေးမည့်သူ မကြိုက် မည့်ကိစ္စများကို ရှောင်သည်။ မဲပေးမည့်သူ ကြိုက်မည့်အရာများ ကိုသာ ထောက်ခံသည်။ မဲပေးမည့်သူ အကြိုက်သည် သူ့အကြိုက်နှင့် မတူ၊ တိုင်းပြည်အကျိုးနှင့် မတူလျှင်လည်း ထုတ်မပြော၊ မဆောင်ရွက်။ တိုင်းပြုပြည်ပြု ပုဂ္ဂိုလ်မှာမူ လာမည့်ရွေးကောက်ပွဲထက် တိုင်းပြည်၏ ရေရှည်အကျိုး သို့မဟုတ် လာမည့်မျိုးဆက်ကို အလေးထားသည်ဟု ဆိုလိုရင်းဖြစ်သည်။

လက်ပံတောင်းတောင် ကိစ္စတွင်လည်း ၂၀၁၅ ရွေးကောက်ပွဲ အတွက် ထိခိုက်နိုင်သည်ဟု မြင်ကြသည်များ ရှိသည်။ အမှန်မှာ လက်ပံတောင်းကိစ္စသာ မရှင်းနိုင်လျှင် ၂၀၁၅ ပင် ရောက်ချင်မှ ရောက်မည်။ ထို့ကြောင့် ဒေါ်အောင်ဆန်းစုကြည် တာဝန် ဝင်ယူလိုက်ခြင်း ဖြစ်ပုံရသည်။ ၂၀၁၅သည် သူ့အတွက် အရေးကြီးသော်လည်း လက်ပံတောင်းကိစ္စသည် တိုင်းပြည်အတွက် အရေးကြီးသောကြောင့် ဝင်ထမ်းလိုက်ခြင်း ဖြစ်ပုံရသည်။

လက်ပံတောင်းတောင် ကော်မရှင်တွင် ဥက္ကဋ္ဌအဖြစ် ထီးလို မင်းလို ဖြစ်နိုင်သူ ဒေါ်အောင်ဆန်းစုကြည်မှ တစ်ပါး အခြားသူ မမြင်မိပါ။ လက်ပံတောင်းတောင် ကော်မရှင်သည် ဗြဟ္မာ့ဦးခေါင်းနှင့် တူသောကြောင့် တိုင်းပြည်၏ အခြားအရေးများတွင် ပါဝင်သည့် အခြားသော နိုင်ငံရေးသမားများက ခပ်ဝေးဝေးမှ နေကြသည့်တိုင် ဒေါ်အောင်ဆန်းစုကြည်သည် ရဲရဲဝံ့ဝံ့ ဝင်ပါခဲ့သည်မှာ သူ၏မိမိကိုယ်ကို ယုံကြည်မှုနှင့် တိုင်းပြည်အရေး ဦးထိပ်ထားမှုတို့ကို ပြသနေသည်။

မုန်းတီးသူကို ဆန့်ကျင်ရသည်မှာ လွယ်သော်လည်း ချစ်သူကို ဆန့်ကျင်ရသည်မှာ ခက်ခဲသည်။ လူထုအားဖြင့် တက်လာသူ အဖို့ လူထုထဲမှ အချို့မကြိုက်သည်ကို ပြောရန်၊ လုပ်ရန်မှာ သာမန်သတ္တိ ဖြင့် မဖြစ်နိုင်။

ကော်မရှင်တွင် ပါဝင်သောကြောင့် ဒေါ်အောင်ဆန်းစုကြည် အသုံးချ ခံရသည်ဟု ထင်မြင်သူများလည်း ရှိသည်။ သို့သော် ကော်မရှင် ၏ အစီရင်ခံစာ အတိုင်း နာခံပါမည်ဟု မည်သည့်ရလဒ်မျှ မထွက်သေးမီ ကတည်းက အစိုးရက အာမခံခဲ့သောကြောင့် ဒေါ်အောင်ဆန်းစုကြည် သည် အမှန်တကယ်တွင် Blank Check ခေါ် လက်မှတ်ထိုးထားပြီး မည်သည့်ကိန်းဂဏန်းမျှ ရေးမထားသော ဘဏ်မှ ငွေထုတ်ချက်လက်မှတ် ရလိုက်သလို ဖြစ်သွားသည်။ ကြိုက်ရာငွေပမာဏ ရေးပြီး သွားထုတ်လျှင် ရသည့်သဘော။ ဒေါ်အောင်ဆန်းစုကြည် ဆုံးဖြတ်ရာ နာခံရတော့မည့် သဘောဖြစ်ရာ အစိုးရက ဒေါ်အောင်ဆန်းစုကြည်ကို ပုံအပ်လိုက်ခြင်း (Trust) ကို မြင်နိုင်သည်။

စကားသုံးလုံး


လက်ပံတောင်းတောင် ကိစ္စသည် သိမ်မွေ့သလို နက်နဲသည်။ ယနေ့ မြန်မာနိုင်ငံ၏ အခြေအနေကို စကားလုံး သုံးလုံးတည်းနှင့် အနှစ်ချုပ် ပြောပါဆိုလျှင် “လက်ပံတောင်း” ဟု ပြောနိုင်သည်။ လက်ပံတောင်း အစီရင်ခံစာ သည်လည်း လက်ရှိ မြန်မာနိုင်ငံ့အရေး အစီရင်ခံစာပင်ဖြစ်သည်။

Written by ဇေယျသူ - The Voice Weekly

[လက်ပံတောင်းတောင် အစီရင်ခံစာ ထွက်လာပြီးနောက် မတ်လ ၁၄ရက်နေ့က မုံရွာ ကြေးနီစီမံကိန်းရှိ လယ်တီဆရာတော် ကျောင်းသင်္ခမ်းမှ ပြန်ထွက်လာသည့် ဒေါ်အောင်ဆန်းစုကြည်ကို တွေ့ရစဉ်။]